迴響—粵語文學期刊（第五期)

商品說明

統籌：鍾卓玲
出版社：scone publishing
出版日期：2020年11月
ISSN：2708-8146
頁數：56
規格：平裝

香港第一本粵語流行文學雜誌，旨在探索粵語作為文學語言嘅可能性。由短篇故事、連載小說、生活點滴到文化評論，盡情我手寫我心，齊齊試下畀廣東話一個行前一步嘅機會！

「人一係改變環境，一係畀環境改變。」第五期主題係「改變」，謹此獻畀想轉工但係遞唔落信，想分手但係講唔出口，想移民但係冇錢嘅人。

我哋今期繼續有盧覓雪幫我哋寫散文。另外，我哋今期仲會有多兩篇連載小說，分別係薛可正嘅《怪獸燒烤》同埋做金庸的男人嘅《是咁的，廿一歲有咗，所以我要做有錢人》。你冇睇錯，我都冇寫錯，真係寫《男人唔可以窮》嗰個薛可正。

另外我哋邀請到香港詩人熒惑登一首粵語新詩《七三廿一》，撫平香港人嘅傷痕，相信唔少香港人都會有共鳴。同時亦有一班香港嘅學者同埋文學評論人去科普一下今屆諾貝爾獎（物理、文學同化學），講下呢班得獎者點樣改變自己個圈嘅發展（寫物理嗰個就係余海峯 David， 而化學嘅就係「五夜講場，真係好科學」嘅其中一位主持）。

最後想一提嘅，係今期我哋會有一篇翻譯小說，係一個公元二世紀嘅故事 － 《驢仔》。作者係直接睇原文古希臘文版本再翻譯成粵文嘅。希望大家會鍾意！